SUN角度：喝含電解質飲料防中暑

酷熱天氣下進行運動，市民小心隨時中暑。全民健康動力主席勞永樂醫生便提醒，市民需留意個人身體狀況，運動期間定時進行休息，切勿逞強，他說：「如果覺得暈眩同埋抽筋，就已經係初期嘅中暑徵狀，呢個時候一定要停止運動休息吓，千祈唔好死頂。」

浸會大學體育學系副教授劉永松就提供數個貼示，減低市民運動時中暑的機會，他說：「運動期間，人體會不斷流失水分同電解質，所以最好喺運動之前，吸收定多啲水分，例如喺運動前兩小時飲一至兩杯水；而喺運動期間，亦都要每十五至二十分鐘補充水分。」但市民亦不應只飲用清水，應飲用含電解質的運動飲料：「如果淨係飲水，身體嘅電解質含量會愈溝愈淡，所以應該飲含電解質嘅運動飲料，同時補充水分同電解質。」

戴護腕頭巾助吸汗

另外，市民亦應留意運動時的衣着，以便排汗，劉永松說：「做運動嗰陣最好着一啲通風或者吸汗嘅衫，幫助汗水揮發，亦可以戴護腕或者頭巾幫助吸汗同時又可以用嚟抹汗，一舉兩得。」