SUN世代：梳化達人 設計無師自通

做設計師講求天分，無師自通並非人人得。梳化專門店董事吳紹棠（Kelvin）不是讀設計出身，但他是公司唯一的設計師。靈感來自觀察，技巧來自經驗，他成功將梳化店由街坊商場舖頭仔，升格為梳化王國，規模亦急升十倍，如今更衝出世界舞台，將個人設計帶入全球尋常百姓家。這位梳化大王躊躇滿志，目標就是令品牌家傳戶曉。

Kelvin為家具公司的太子爺，在美國大學畢業後，就到家族生意幫忙。少爺打屋企工，卻一點甜頭也沒有，一切由低做起，他只擔任家具出口經理，又輾轉做過多個部門，後來掌管旗下的梳化廠，加深了梳化生產及銷售的認識，為他日後以梳化為創業種子，埋下伏線。

首開分店做街坊生意

由於Kelvin與父親經營理念不同，九九年他自立門戶，與太太一同創辦梳化專門店茲曼尼，一直接洽「OEM」（原設備製造）業務。茲曼尼首間分店設於荃灣廣場，主要做街坊生意，後來開設分店漸多，生意愈做愈大。

別以為他的梳化生意一帆風順，原來也有過低潮，他憑着勇氣和信心，渡過難關。○三年沙士肆虐，港人連街也不敢外出，百物割價傾銷，但Kelvin為保住品牌形象，拒絕跟隨大勢減價，策略雖危險但成功：「隨便大減價會影響形象，當時我反而仲喺沙田開設一間近萬呎嘅分店，喺推廣上突出自己，目標係想等港人儲足彈藥，想買番嘢嘅時候諗起我哋！」

另一個業務低潮，發生在○七年，與他合作無間的德國OEM公司倒閉，直接影響令其出口生意大量減產。是次經歷，令他醒覺到不能再依靠別人提供設計款式，而需有自家設計，才最有保證。Kelvin遂決定親自出馬設計梳化：「從來無讀過設計，但之前見過好多設計師從手稿到製成品嘅創作過程，所以試吓自己整。」

生意人加入講求創意藝術的設計行列，看似天方夜譚，可是Kelvin卻勝任有餘，最近更勇奪香港青年工業家獎項。說到設計初體驗，他說難免緊張，常常想知製成品的模樣，更發現製成品與想像中有出入：「手稿同實物往往有差異，但原來師傅整唔到，但都唔係咩挫折，沮喪都係經驗！」

規模12年急升十倍

經驗累積下，他漸漸掌握梳化設計竅門，現擔任公司總設計師。由他主理的梳化創新又舒適，滲透率達至世界，遠銷至三十多個國家及地區，包括韓國、日本、泰國、丹麥、法國、意大利、荷蘭及美國等，公司規模在十二年間急升十倍，成為全港擁有最多分店的梳化專門店。

說到成功之道，他毫不猶豫說是專注、求變：「專心做梳化，與時並進，喺舖頭放置自創梳化儀器，由客人決定款式。我亦會同不同的設計師合作，希望令茲曼尼成為家傳戶曉的品牌！」

Kelvin's Profile

學 歷：美國加州三藩市州立大學主修國際企業及市場學

職 銜：茲曼尼董事兼總設計師

家庭狀況：已婚，育有一子一女

個人榮譽：香港工業總會「2011年香港青年工業家獎」、專業室內設計雜誌《Perspective》選為「四十驕子」傑出年輕設計師之一