政情：陳子才父親節前做老竇
堪輿學家Pius陳子才日前初為人父，太太兼息影女星齊芷瑤於本月十八日誕下重六磅半嘅囝囝Elvis陳司 。原來Pius係特別為太太擇吉日開刀，佢話︰「呢日出世嘅小朋友，比較成熟穩重，好有主見，其他人見到BB，都話佢第一日出世個樣已經好老積。而最巧合係囝囝出世當日亦係我老婆生日，第二日又係父親節，真係最好嘅父親節同生日禮物。」
問到初為人父嘅心情，Pius直言好興奮，但初時有啲擔心︰「因為當時有另一位太太生得唔係咁順利，令現場其他父親都好緊張。後來BB平安出世，真係好開心。」囝囝出世冇耐，Pius同太太已計劃再添丁，佢話：「只要太太身體情況無問題，就絕對會再生，下年係龍年，希望生個小龍女。」
陳子才特別為太太擇吉日開刀生仔。