癌父與兔唇女攜手闖難關

【本報訊】「公主給王子一個吻才能喚醒他，我個女就好似公主咁，每日都要錫醒我為止。」平凡的爸爸何志榮，女兒出世便有兔唇，不足一歲已做了兩次手術，他更於女兒三個月大時患上癌症，需靠看相片與初生女兒「見面」。「憑着信念同一份愛」父女兩人一起攜手闖過難關，這個男版睡王子故事，描繪了父女二人溫暖窩心的生活。

大半年靠睇相見女兒

何爸爸在太太懷孕四個月得知肚內骨肉有兔唇，夫婦不斷搜集資料為女兒準備。但何爸爸指女兒出生後留院個多月，不足一歲已做了兩次大手術，自己與太太「好心痛，我哋一齊喊過好多次」。

親手照顧愛女三個月後，何爸爸患上腸胃間道癌，大半年不能與愛女見面，「住喺醫院好掛住個女，係靠睇相同個女見面，成日想囡囡畀我支持同動力，靠個女嘅愛去度過嗰段日子」。現靠藥物控制病情的何爸爸笑言，照顧女兒才是「一言難盡」，「人哋餵奶五至十分鐘就完，囡囡要用針筒喂奶，一日食八次，每次個半鐘」，然而囡囡兩歲時第一次開口叫「爸爸」，已足以令他樂上半天。

囡囡轉眼已五歲，五十一歲的何因病氣力不足，「睡公主」卻是父女兩人每天的「例行遊戲」。「我因病會瞓晏啲，個女返學就好早起身，每日佢都會錫醒我先返學。」能看着女兒開開心心長大已是自己最大的願望。