政情：霍震霆落場齋睇唔碌

立法會體育界代表霍震霆經常出席體育盛會，近年卻好少見佢露一手，尋日佢出席「保良局慈善保齡球賽」做主禮嘉賓，一到場就換上保齡球鞋，唔通佢要公開表演保齡球技？點知小霍話：「今日純粹到場支持同表揚公益團體！」結果佢真係只睇唔打。

問到佢有冇打保齡時，佢笑笑口話：「興嗰陣你哋（指記者）都未出世！當年好In㗎！」今日就係父親節，問佢有乜節目？佢坦言三個仔約咗佢食飯，但就唔知阿仔會唔會帶女朋友嚟。

「Money18免費即秒股票報價網站」現推出8升級功能，財經資訊，實時實發！

霍震霆着上保齡球鞋落場，但就只睇唔打。