王敏德係城中潮爸之一,父親節前兩日,我哋喺中環見到一身便服嘅王敏德,佢單拖同兩個外籍朋友喺中環國金中心商場飲下午茶,王敏德同兩個朋友一見面就雞啄唔斷,雖然俗語有云三個女人一個墟,但係三個男人聚埋都唔嘢小。
一向衣着得體嘅王敏德呢一日着得好casual,運動外套加頂帽,同平時陪太太出席隆重公開場合嘅風格好唔同。佢同兩個外籍朋友飲完咖啡後,似乎諗住離開,但企起身又要再講多一陣,估唔到王敏德都咁多口水。
王敏德撇低老婆、仔女,同兩個外籍朋友飲咖啡。