政情：田二少晒囡囡愛心T
父親節到了，新民黨副主席田北辰（二少）尋日已經笑到合不攏嘴，事關佢兩個囡囡今年合力自製咗件愛心T恤氹爸爸，開時裝連鎖店嘅田二少照計大把衫啦，點解收件T恤都咁開心呢？皆因兩個囡囡親手繪製囉。
田二少一邊展示囡囡送畀佢嘅T恤，一邊笑笑口話好鍾意呢份禮物，皆因件衫係兩個女自己畫嘅，上邊既有表示愛心嘅心，又有女兒鍾意嘅圖案。雖然五顏六色，可以着嘅場合唔太多，但勝在兩個女親手畫，難怪喺田二少眼中咁矜貴。
提早收禮物後，田二少今日都有落區活動，佢會帶同一千二百件自家服裝品牌嘅T恤落區，等其他為人子女都有機會喺T恤上繪畫圖案，向父親送上祝福。
田二少展示囡囡自繪嘅T恤，笑得好開心。