弱視尋子：門鐘幫手
【本報訊】今年三十五歲的陳日豪兩歲時僅有正常人的七成視力，至成年後更視力急速衰退，現僅能分辨光影：「返工睇唔到字、睇唔到路，無奈地唔做嘢。○五年個仔出生，頭半年完全唔敢抱佢，怕大力整親佢，但後來太太要返工唔得閒，我就學做家務同照顧個仔，最難係餵佢食粥，惟有用手先摸佢下巴，將湯匙放喺佢下巴畀佢食，慢慢都學識幫佢沖涼、洗頭。」
陳日豪更分享與兒子相處的趣事：「同佢落街一放手就唔知佢去咗邊，後來買個無線電門鐘放喺佢身，一唔見佢就㩒鐘。有次佢自己丟低我走開，搵咗好耐都唔見，我又喊又驚，最後佢自己返屋企，自此應承我一定會拖住爸爸。」
陳日豪父子獲香港失明人互聯會送上印有他們合照的T恤。