Sun角度：螺絲帽路牌鋼閘大小通吃

偷鐵黨四出搵食，市面各類的銅鐵幾乎無一幸免！賊人最初多向渠蓋、銅喉等體積較小的銅鐵埋手，惟近年已發展至大小通吃，包括街道上的路牌，甚至是大廈的大閘。

經濟好轉，廢金屬回收價由二○○八年金融海嘯後，每噸五百元的谷底價，回升至去年每噸二千五百元。金屬有價，致偷渠蓋的個案屢見不鮮，前年七月，西貢清水灣一段大坳門路，連續兩日被賊人瘋狂偷去五十四個渠蓋；今年四月，一名男子懷疑假扮清潔工人，在香港仔街市偷取渠蓋，幸被警員截獲拘捕。

渠蓋偷無可偷，賊人連銅喉、路牌都唔放過。前年八月，有賊人假扮中電外判職員，潛入即將清拆的牛頭角下邨，拆走過百支銅喉，幸被保安員撞破；去年五月，警方拘捕九名偷鐵男子，起出大批贓物，包括路牌、街道牌、電纜，甚至臨時交通燈等。去年四月，更有賊人一夜間偷走西九龍高速公路十七支巨型燈柱的二百顆螺絲帽。今年，旺角花園街最少五幢大廈，被賊人拆走共六道鋼閘。