近排城中學生哥都忙住考試，「鯊魚女」陳細潔尋日出席「孫中山在廣州」圖片展覽開幕式時，都講到當年讀歷史嘅事，佢話，讀書時對歷史科只識死背死記，咁樣應付考試就得。畢業後，佢學到嘅嘢好快拋諸腦後，還番晒畀啲老師。
咁鯊魚女當年讀書嗰陣邊個科目成績先係最出色呢？佢就好肯定咁話：「作文，我作嘢最叻！」
講到展覽，佢話除咗留意孫中山嘅革命事迹，亦留意到孫中山感情生活，仲話：「聽講佢好似係一個風流嘅人物。」
陳細潔出席孫中山圖片展時，坦承學完嘅歷史好快拋諸腦後。
