SUN世代：愛子心切 囝囝默書自己緊張到喊
工作上，Janice是個不折不扣的女強人，面對任何突發情況，都能臨危不亂，找到解決方法。但面對一對兒子的小事情，卻能輕易令她方寸大亂，與工作上判若兩人。每當提起一對分別七歲及三歲的兒子，Janice面上不期然流露出一副慈母的模樣，彷彿有子萬事足。教導兒子，她有自己的一套，「我唔係要佢哋做最叻嗰個，只係想佢哋可以發掘到自己嘅潛能，發展到自己嘅性格。」雖然不期望兒子飛黃騰達，但Janice對兒子一切事情都分外緊張，「早幾日個仔中文默書考試，佢考之前嗰日我先知，嗰刻真係好緊張，一路鬧佢，自己一路喺度喊，唔知點做好。」
Janice工作繁忙，未有太多私人時間陪伴兒子，所以她盡量會安排家人參與自己籌辦的活動，當作親子活動，「搞社區或者青少年活動嗰陣，我都會盡量安排屋企人一齊參加，等我可以有多啲時間陪佢哋，而且參加呢啲活動，對囝囝都好有益。」
為增加與丈夫及兒子的相處時間，Janice會盡量安排家人一同參加自己所舉辦的活動。