SUN世代：童星奇緣搞活動做老闆

「一係唔做，一做就要做到最好！」從事活動策劃的鍾達琴（Janice），自小就與活動策劃結下不解緣，年少時已參與不同活動，長大後憑認真的工作態度，成功闖出一片天。縱然曾因家庭放棄事業，但失去令Janice更懂珍惜，身為老闆仍事事親力親為，贏得一眾客戶信任。

Janice的辦公室放滿文件及各樣物資。狹小的空間中，牆壁貼滿大大小小的相片，大部分都是影藝界明星及各界名人與Janice的合照。合作背景雖然不同，但相中各人都流露着一致的滿意笑容。

Janice的活動策劃路，年紀小小已展開。九歲時，她是香港兒童合唱團成員，更參演港台節目成為童星；至十六、七歲，Janice更在不同社區節目中獻唱及擔任司儀，接觸到很多籌辦活動的公司，為她的活動策劃事業打好基礎。「大學畢業之後，其中一個之前經常合作嘅老闆不斷搵我，叫我入行幫手，終於喺○○年左右，我就正式入行。」

隨夫居英國 陷人生低谷

做事盡心盡力，加上自幼建立的人脈網絡，令Janice在工作上得心應手，入行不久就為公司投得多個大項目。當時她不但事業順心，愛情亦同樣得意，剛剛結婚便懷有身孕，可惜事業與家庭偏偏只能二擇其一，「嗰陣老公要去英國做嘢，我唔想一家人分隔異地，於是就選擇一齊去英國。」為了家庭，女強人放棄事業，跟隨丈夫移居他鄉。

Janice無法適應英國的生活，情緒幾近崩潰，陷入人生低谷，「去到英國，人生路不熟，每日淨係喺屋企做家務、湊仔，見唔到其他人，冇晒自己嘅生活，嗰陣真係好唔開心，好抑鬱。」黑暗過後總會是晨曦， ○七年丈夫獲派回港工作，Janice又可以回到熟悉的環境，做自己熟悉的事，「聽到呢個消息，我真係好感恩，可以做番自己鍾意做嘅嘢，真係仲開心過中六合彩。」

搞社區活動 蝕錢也開心

回港後的Janice，做起事來比以往更落力，她成立自己的公司，一切重新開始，並得到很多舊客支持，「好多舊客都搵番我幫手，加上啲客介紹我哋畀其他公司，令我哋好快就儲到班客。」港鐵、煤氣公司、馬會都是她的客人，而且合作不斷。要留住客人，Janice的方法是事事親力親為，大小項目都不假手於人，「啲客搵得我，就係信我，信我嘅專業，我又點可以令佢哋失望！」

Janice籌辦過的活動不計其數，周年慶典、頒獎典禮、新聞發布會等，但要數她最喜歡籌辦的活動，卻是最不賺錢的社區活動，「每次搞社區活動，我都好投入，因為可以幫到人，好有意義，就算蝕錢都冇計！」