政情：猷啟翻版A.Lin遊海洋公園
賭王何鴻燊三房嘅仔何猷啟趁好友暑假返港度假，尋日四人同行到海洋公園玩餐飽，雖然唔見猷啟女友Mina現身，但佢哋依然玩得不亦樂乎。當猷啟知道記者發現佢哋後，同行一名貌似口靚模A. Lin嘅女友人立即雞飛狗走，要猷啟開聲先肯停落嚟影張大合照。
點解Mina冇嚟？猷啟話：「佢返緊工，所以冇嚟！唔好亂寫呀，呢個唔係我女友，驚Mina誤會！」咁父親節點慶祝呀？佢話：「我會親手做個獎狀送畀爹哋！」另外，有傳何超雲同緋聞男友陳山聰經已回港，但三太陳婉珍透過秘書回應話超雲仍未返港。
