政情：羅霖開P為仔撲手機
羅霖前晚出席「3 GALAXY Night」派對時，笑言係大仔要求佢赴會嘅。佢話：「佢鍾意Hi-tech嘢，我嚟佢會有新電話。」仔仔係咪換電話換得好密？佢就話：「唔係！要有要求，好似今次就要考試有好成績先。」
佢又話經常有女仔打電話畀仔仔，仲直言唔係因為仔仔靚仔，而係依家嘅女仔好主動。咁仔仔有冇女朋友？佢話：「以我所知大仔同二仔都有女朋友，不過唔係親密嗰隻，唔會拖手同錫，佢哋乜嘢都同我講，我成日都同佢哋溝通。其實兩夫妻都係，包容好緊要，有咩都要兩個人一齊商量同溝通，唔容易㗎，一段婚姻要好努力去經營，我都好努力咁經營緊。」
