SUN世代：職場浪人 為珠寶家業打拚

「工作方面我好隨緣，咩都鍾意試吓！」身為珠寶店太子女的何穎芝（Candice），在機緣巧合下曾任藝人助理、補習老師，三年又三年又三年後，終遇上事業的歸宿，回到家族生意擔任掌舵人。對珠寶毫無認識的她，決心由低做起，由洗首飾、吸塵、掃地等一腳踢，更努力鑽研珠寶知識，期望能延續母親心血：「媽咪好辛苦白手興家，我一定要將珠寶店發揚光大！」

母親在珠寶行業打滾三十載，以為Candice在耳濡目染下，定會自小愛上珠寶，答案卻出乎意料！她笑說：「細個都唔係特別貪靚，而且睇得太多，冇晒感覺。」原來她志不在珠寶，真正興趣是商科。初中時負笈加拿大，於當地大學攻讀市場學，後來在一次機緣巧合下，竟踏進了娛樂圈。

「當時有位uncle叫我幫手，負責籌備歌手蘇永康喺美加嘅巡迴演唱會，認識咗蘇永康嘅團隊。之後佢哋邀請我做歌手吳國敬嘅助理，我喺工作方面好隨緣，咩都鍾意試吓，於是就接受咗！」當藝人保母並不容易，要兼顧一切大小事，所有細節都要預備妥當，更經常要熬夜，但Candice卻認為幾辛苦都值得，因她從中學到不少東西：「最大得着係學到歌星對自己鍾意嘅嘢（音樂）嗰份熱誠同堅毅精神！」

任麥長青助理獲真摯友情

三年後，Candice又遇上另一機緣，在工作上她認識了藝人麥長青，並轉任其助理，更獲得一份珍貴的真摰友情，「我叫佢做『包爸』，已經當佢係半個爸爸」。她憶述一次難忘經歷：「內地Fans好瘋狂，見到明星會不停咁追。有次『包爸』喺東莞登台，唱完走時畀一大班Fans追住，佢竟然保護番我呢個保母轉頭！」Candice更稱，麥長青教懂她許多做人道理，形容是「人生學得最多嘢嘅一份工」。

又三年後，麥長青兼營另一門生意，Candice認為不適合自己，選擇離開，而「咁啱」她被邀請到朋友的補習社幫忙，於是當上老師，她綻出燦爛笑容：「我鍾意小朋友，教到佢哋有進步，嗰種滿足感真係咩都取代唔到！」兩年前，Candice的母親希望她協助打理珠寶店，在事業路兜轉多時，她終找到目標，回到家業擔任掌舵人。

自知對珠寶是門外漢，Candice不怕艱苦由低做起，洗首飾、抹展示櫃、吸塵、掃地等全部一腳踢，按部就班累積經驗，更用心學習鑽石、玉石等珠寶知識，希望憑努力帶領家業邁向成功，「媽咪好辛苦白手興家，我一定要努力將珠寶店發揚光大！」

Candice'sProfile

婚姻狀況

未婚

學  歷

加拿大約克大學市場學學士

現  職

翠之屋珠寶公司董事