政情：黃浩然升呢父親節做主角
嚟緊嘅星期日就係父親節，啱啱升呢做爸爸嘅黃浩然尋日出席「愛由心生慈善義賣閉幕禮」時話：「畢竟係我第一次以父親身份迎接呢個節日，特別有意思！雖然父親節當日要開工，但仍然會抽時間過節，已經同公司申請咗兩個鐘當空檔！希望可以同個仔食飯。」至於想收乜嘢父親節禮物？佢話：「佢咁細個，太太代佢畫張卡都可以啦！最緊要佢健康，佢有少少事都會令我好擔心。」問到咁點睇栢芝婚變一事，佢話冇留意，亦有一段日子冇同栢芝聯絡，只係曾喺公司見過對方，佢又話：「人哋嘅嘢唔講啦，其實組織家庭係好難得！」
同場嘅鄺文珣亦帶同三歲囝囝Cadence現身，問佢想唔想再追多個仔，佢話：「同老公商量過，暫時都係冇時間，湊仔都好忙又要計劃佢讀邊間學校。」
鄺文珣帶埋三歲囝囝出席活動。
黃浩然今年首次以父親身份過父親節。