政情：葛輝阿爸係已故上訴庭法官
立法會相關事務委員會上周討論有關前政府資訊科技總監葛輝（Jeremy Godfrey）踢爆政府多名高官為咗履行政治任務，不惜破壞一直行之有效、公平、公正嘅政府招標程序，欽點「上網學習支援計劃」嘅執行機構嘅事件。其實喺醜聞曝光後，葛輝變咗大紅人，原來佢嘅背景好唔簡單，尋日就有傳媒揭發佢原來係已故嘅上訴庭法官高奕暉（Gerald Godfrey）嘅仔。
葛輝話自從施壓事件經廣泛報道後，就不時畀傳媒追訪，仲試過有周刊記者走去㩒佢門鐘添，佢認為呢種行為唔係幾禮貌。葛輝同香港政府場仗有排打，連佢都話希望放幾個月假先重投職場喎！
政府資訊科技總監葛輝（Jeremy Godfrey）