政情：哥頓太撐金管局遏樓火
近期樓市熾熱，金管局早幾日又再出招收緊樓宇按揭，以防銀行按揭貸款風險增加。合和實業主席「哥頓」胡應湘太太胡郭秀萍支持金管局出手，驚住樓市上得快落得快嘅話，一般人會承擔唔起，所以再推出措施穩定個樓巿係好應該。
哥頓太覺得如果一般巿民好辛苦咁買第一間屋開始安居嘅時候，喺按揭方面應該酌量有少少彈性。至於佢自己都有買樓收租，但係已經係好耐之前嘅事喎！
收緊按揭對房屋協會完全冇影響，房協主席楊家聲就話，喺香港呢個自由巿場，好難可以完全杜絕炒賣，而收緊按揭就對整體樓巿嚟講都係有利有弊，因為壓抑炒風嘅同時，亦會令想換大啲間屋嘅用家對換樓卻步。
楊家聲話好難完全杜絕炒賣。
哥頓太支持金管局出手穩定樓市。