雲集港姐靚女嘅慧妍雅集,尋晚舉行籌款晚會,最靚港姐朱玲玲同好友葉蒨文盛裝出席,佢哋兩個一個着黑禮服、一個着白色,真係搶晒鏡。父親節將至,朱玲玲會點過呢﹖佢話媽媽過身之後,佢都盡量陪伴爸爸,父親節來臨,佢更會一拖三、即拖埋三個仔陪外公食飯。
不過,三個仔喺父親節當晚,就會陪佢哋嘅爸爸,即係霍震霆。朱玲玲咁孝順,會唔會再買份禮物氹吓爸爸呢?佢話:「佢(朱父)叫我唔使買喎,其實有需要嘅話,我平時都會送,唔使等節日!」
朱玲玲(左)同好友葉蒨文一黑一白,喺晚會爭艷鬥麗。