政情:金勞詹九月遠征賭城

仲有唔夠一個月就係暑假,學校放假,立法會亦會休會,所以唔少人都度緊外遊大計。立法會議員詹培忠(金勞詹)話,佢幾乎年年都會去美國拉斯維加斯賭餐勁,暑假都會去,但驚七、八月太多遊客,所以計劃等到九月至出發。

金勞詹每次去賭城都大有斬獲,今年九月又出動,希望佢又有好消息帶番嚟啦。全國青聯副主席陳仲尼(Rock)就話,暑假打算陪囝囝去美國讀暑期班,雖然佢冇得好似太太咁跟足囝囝四個禮拜,但有兩個禮拜時間相處已經好寶貴,事關小朋友大得快,好快就有自己嘅世界,所以佢好珍惜親子時間。

「Money18免費即秒股票報價網站」現推出8升級功能,財經資訊,實時實發!