政情:黃帆風落莊陪太太遊澳門

前博愛醫院主席黃帆風落莊後,工作輕鬆咗,佢亦好守誠信,履行對老婆嘅諾言,陪太太去澳門一個綜合娛樂度假城玩,氹到老婆好開心。

黃帆風話,佢一早應承咗老婆落咗莊之後就周圍去玩,早前去澳門時,遇啱所有房間爆滿,結果佢哋要排隊候補,雖然被迫延期出發,但都順利成行,冇違反諾言。

近排台灣唔少食品受塑化劑風波影響,好多人都心驚驚,黃帆風話感到無奈,惟有盡量小心啲,仲話如果喺香港嘅話,一定會自己買餸返屋企煮飯喎,起碼清楚食材來源同煮法嘛。

黃帆風落莊之後,就陪太太去咗澳門散心。