政情：項明生探索墨西哥古巴

一向醉心深度旅遊嘅Sony Computer Entertainment Hong Kong市場部總經理項明生（James），早前用十日時間，去咗南美墨西哥同古巴，深入了解吓充滿神秘感嘅瑪雅文化。

除咗墨西哥外，James亦去咗古巴，睇吓點解呢個國家可以唔使納稅、點解禁止國民買賣車輛房屋、點解限制唔能夠超過十二人一齊開餐、點解一個國家有兩種貨幣等等。呢一程為佢帶嚟唔少見聞，佢亦動筆寫成新書《十日敢動假期︰墨西哥、古巴》，今日會喺「國際旅遊展」發布，佢仲會同上述兩國政府代表交換禮物，亦會送新書畀小母牛「開卷助人」計劃嘅小朋友。