恆地尋日喺四季酒店舉行股東會，主席「四叔」李兆基係必然焦點，開會之外，佢仲抽空同記者傾吓偈，又將自己啱啱出版嘅自傳《李兆基博士傳記——延續篇》擺喺現場，派發畀記者。四叔派書嘅安排真係好周到，如果書上有埋親筆簽名就更好喇！
股東會喺四季酒店舉行，有小股東就投訴，準備畀小股東嘅茶點已經派晒，公司方面竟然要佢聽日先去攞過，搞到佢好嬲咁話：「如果聽日我仲嚟，我咪好cheap！不過我覺得恆地嘅安排仲 cheap！」恆地公關知道之後，即刻安撫小股東，成功解決事件。
四叔尋日安排職員喺股東會現場派書畀傳媒。
四叔呢本新書係佢嘅傳記延續篇。
