政情：富貴黨分裂爆無網之災
互聯網係政界重要宣傳工具，年尾就有區議會選舉，富貴黨網絡卻有啲小意外，尋日打開富貴黨個網頁，多個欄目進入頁面後都係「網頁內容建構中」，即係話，富貴黨嘅網絡幾乎零運作，八吓先知事件據講同該黨四月底有五位黨員退黨有關。
富貴黨五個黨員喺四月底退黨自立門戶，並成立政黨「T Party」，其中一名黨員馮德聰（Paul）任職「資訊工房」資訊科技總監，未退黨前負責幫富貴黨管理網頁運作，但佢退黨後，大家分道揚鑣，據聞富貴黨亦唔再選用阿Paul嗰間公司，要另覓新公司管理網頁，所以令該黨網頁未能正常使用。