SUN世代：退休?或者會去教書

大忙人Julian工作忙碌，經常要四圍飛巡視業務，還要兼顧學業，與家人相處的時間實在所剩無幾。他感激太太及子女在背後默默支持：「工作太忙，好少時間照顧到佢哋，真係有啲歉意！」對工作充滿熱誠的他，從未計劃退休生活，甚至連退休打算也沒有：「真係無諗過退休，完全無計劃！如果要諗，或者會去教書！」

現時他在中大－東華三院社區書院任客席講師，希望以自身經驗作教材，與年輕學生分享：「做商人有好多經歷，不過好少人會寫出嚟，我希望可以寫啲嘢同其他人分享！雖然書本有好多理論，但未必套套都可以用，依家個巿場不停轉變，希望將自身經驗結合理論，做到真真正正可以實踐嘅生意。」

Julian自言享受與學生傾談，通過互相交流，令雙方都有裨益：「其實同學生傾偈，可以知道依家巿場嘅問題，大家互相分享，交流同埋諗吓有咩解決方法。學生開心，自己又有滿足感！」