宣傳停食魚翅嘅《A Shark's Fin》短片日前首播，呢條片嘅編劇同導演係郭錦恩，演出者則有王敏德，仲有郭錦恩嘅兩個仔客串，不過，宣傳活動上卻唔見王敏德，反而有佢太太馬詩慧（Janet）。Janet現身時話，事前完全唔知道代表老公出席活動，以為只係一項環保活動。
代夫出征嘅Janet話，老公以前好鍾意食魚翅，近年已經戒咗，佢哋亦會教育小朋友唔好食魚翅。講到食嘢，佢都幾頭痛：「除咗魚翅，好多魚都係瀕臨絕種品種，但有好多食物又話有毒唔食得，真係唔知可以食乜。」
馬詩慧（右）同郭錦恩攜手為停食魚翅嘅短片做宣傳。
