喺演藝界發展、近期又做埋保良局董事嘅王賢誌（Vinci），佢爸爸係上市公司王氏港建主席王忠桐，Vinci家吓喺旗下三皇集團健康產品嘅市場推廣部，話咁快就做咗兩年，王忠桐話對阿仔嘅表現好滿意，不過，一講到不如交盤生意畀阿仔，王忠桐竟然話阿仔「能力有問題」。
王忠桐話，自己好開明，交班畀阿仔主要取決於兩樣嘢，其一係阿仔願唔願意，其二係有冇咁嘅能力，佢認為Vinci依家「能力有問題」，所以未得住，仲話自己做開嘅行業好專業，決策又好重要，一錯就好麻煩。