政情：梁靖琪晒定恩愛等結婚
藝員Toby梁靖琪創辦半年嘅wedding planner公司尋日喺婚紗展設攤位。Toby笑言感覺很特別，話：「雖然都幾吃力，但係係一個學識同人溝通嘅好機會。不過都有啲失望，聽行家講今年少咗人嚟。」咁有冇蝕錢？佢話：「又唔係好蝕，不過都冇諗過賺錢，為番本都OK。」
另外，佢透露喺十二月六日同未婚夫拉埋天窗，婚紗早已準備妥當，婚紗照亦喺早前秘密到上海拍攝完畢。提到佢有份參與嘅劇集《花花世界花家姐》得到好評，她坦言好開心，但未婚夫就希望佢喺婚後減少接拍劇集。
尋日佢同未婚夫一齊接受電台訪問時，佢大讚未婚夫嘅聲線動聽，並喺拍劇方面畀佢好大嘅支持，不時幫佢翻譯台詞同對戲。問到佢哋有冇生育計劃時，佢哋話順其自然，任上天安排喎！
梁靖琪透露喺十二月六日結婚，早前已秘密去咗上海拍婚紗照。