City Parade：時尚醉人魅力
著名瑞士名錶品牌愛彼錶，首度喺香港以專門店形式，同喜運佳鐘錶集團合作，早前舉行盛大開幕酒會，喜運佳鐘錶集團董事蔡加讚同家人齊舉杯慶祝。「電子大王」顧明均搞紅酒慈善拍賣會，為老撾一間眼疾兒童寄宿學校籌款，城中名人齊歎住紅酒做善事。萬眾期待嘅全新保時捷911 Speedster隆重面世，喺淺水灣舉行預覽酒會。新跑車全球限量生產356架，車迷爭相先睹為快。
諸葛梓岐 愛上動感美
名模諸葛梓岐大讚全新911 Speedster極具動感美。
曾志偉 喜奪心頭好
曾志偉（前中）投得名酒，黎瑞恩（右一）、梅小惠（右二）、區瑞強（左二）等好友都為他高興。
馬時亨 暢談紅酒經
三杯到肚，中策集團主席馬時亨（右）同酒莊莊主Margrit Mondavi（左）大談紅酒經。
顧明均莫樹錦 食家相見歡
「電子大王」顧明均（右）同中大腫瘤科教授莫樹錦（左）都係識飲識食之人。
姚予晴與男友 甜蜜恩愛
名模姚予晴（左）同男友Sunny（右）戴上情侶錶，夠晒sweet。
蔡志明夫婦 大展鴻圖
「玩具大王」蔡志明夫婦（左及中）收購喜運佳後，大舉進軍高級鐘錶市場，右為愛彼（香港及中國）有限公司行政總裁梵衛。
加讚加怡 經營有道
蔡加讚（中）同家姐加怡（右）用心打理錶行，盛事當前，加怡男友Jeremy（左）都嚟打氣。
佘詩曼鄭嘉穎 各有所好
藝人佘詩曼（右）戴上價值逾七十萬元的鑽石錶，光芒四射；而鄭嘉穎（左）就鍾情近二十萬元的鋼錶。