政情：鹵味男斥選管會辣埋陳淑莊田少
年底嘅區議會選舉有新玩法，其中一樣係選舉管理委員會要管埋網上電台都要遵從「平等時間」原則，外號「鹵味男」嘅人民力量成員錢偉洛尋日就好唔滿意呢個指引，指摘選管會麻鷹唔管管雞仔，仲攞公文袋嘅陳淑莊同富貴黨嘅田少開刀添。
鹵味男尋日出席立法會一個委員會就區選細節安排舉行嘅公聽會，本身支持「五區公投」嘅鹵味男不惜攞隊伍陳淑莊開刀，喺「公投」期間，陳淑莊用咗好多錢賣港鐵燈箱廣告，咁點計呢？至於田少當年喺過海隧道賣廣告，開支動輒數十萬元，對冇咁多錢嘅候選人唔公平，選管會點解又唔管？
鹵味男講嘢都好公道呀，富貴黨大狀黨一次過鬧晒，呢啲都算係一種公平對待噃！