政情：金刀梁老婆做名醫導遊

行政會議成員梁智鴻太太梁馮令儀素有「放射科女王」之稱，身兼香港放射科醫學院院長嘅梁太最近忙到不可開交，事關佢大玩Crossover，將心臟同放射兩者結合。事緣今屆由佢做大會主席嘅「第五屆亞洲心臟血管影像國際學術研討會」，除咗有心臟學科研討外，還會加插放射科同輻射臨床知識。現時已有三十幾個國家同地區嘅醫生報名參加，咁多名醫到港，梁太除咗搞好場騷之外，仲要盡地主之誼帶佢哋遊覽香港名勝。

為咗呢個研討會，梁太同另一位大會主席、香港心臟專科學院蔣忠想醫生忙足兩年多，希望搞得好好睇睇。