聽日係端午節，賭王何鴻燊尋晚已經同屋企人提早過節，賭王精神同心情都好好，仲讚千金超蓮腳頭好添，氹到超蓮好開心！
超蓮尋日喺微博上透露呢個喜訊，佢話尋日屋企提早過節，爸爸第一眼見到佢話佢腳頭好，點解﹖因為佢啱啱返屋企，佢哋家族公司嘅龍舟隊就攞咗第一同第二名，就係咁，超蓮成晚都睇到爸爸笑到合不攏嘴。超蓮仲形容爸爸咁樣「好可愛」。
賭王擺平咗屋企繁瑣事後，心情靚靚，公司出嘅龍舟隊又攞冠軍，難怪佢坐喺飯桌邊都咪咪嘴笑喇！