學運轉戰環保 張韻琪心火不滅

【專案組報道】由當天拿着大聲公嚴詞厲色抗議學術自由被干預的學運領袖，到今天為環保而戰的在職母親張韻琪，身形依舊嬌小，說話仍然堅定有火，舉手投足卻多了一份嫺熟。膽敢以身試法的她，長期奮鬥為的不只是自己孩子的未來，更是你和我下一代的福祉。

走在環保的前線，綠色和平項目經理張韻琪對不少與環保有關的議題滾瓜爛熟，其中○八年世衞一個關於有毒有害物質的報告，她印象至深。世衞當年在五大洲收集母乳化驗當中的化學物，發現香港的母乳含已禁用農藥滴滴畏殘留是全球第二高的地方，僅次於一個需以滴滴畏醫治瘧疾的非洲地方。「呢啲真係一層扣一層，唔好以為我哋係城市，呢啲事到最後都會影響我哋嘅身體。」

「最埋身肉搏的政治」

當初以義工身份參與綠色和平的行動，到今天加入組織已第八年，張韻琪理解環保為「最埋身肉搏的政治」。「點解污染嘅受害者往往係窮人呢？」愈接觸得多環保的議題，張韻琪愈看到導火線所在，就是社會上的不均不公。「點解香港就特別矜貴啲，嚟香港嘅東江水就要乾淨過廣東省人民飲嗰啲呢？」「好似日本核危機咁，你就睇到啲既得利益者真正面目係點！」張不齒既得利益者不負責任的行為，又例如近日頻頻爆出內地電池業金屬污染問題，有村落近一半以上的人血液中的含鉛量超標，始有停廠的行動開展，「點解要發生到咁嘅地步至有行動呢？」

上一代專注發展，令地球百害叢生，作為下一代的張韻琪認為自己責無旁貸。「我哋上一代已經迷失，沉淪咗喺一啲短視嘅利益，我都唔想下一代質問番，阿爸阿媽你哋當時做過啲咩呀？」