醫知健：病童爸爸憶述：日日似鯨魚噴水

【本報記者】「阿B就快滿月時日日都嘔奶，起初都諗唔到係一種病，後來嘔到好似鯨魚噴水，成件衫同BB床都濕晒，入院檢查先第一次聽見呢個病！」由於此症較為罕見，不但一般家長難以識別是否普通嘔奶情況，即使醫生要診斷亦頗困難，幼兒往往要留院觀察多天才能斷症。

劉先生憶述，起初發現兒子祉攸嘔奶較頻密，向兒科醫生求診，醫生當時僅指可能是腸胃不適。但兒子服藥後未見好轉，甚至出現噴射式嘔奶，只好到醫院作進一步檢查。院方一度懷疑祉攸患上傳染病，後來醫生進行抽血及超聲波檢驗，相信他可能患上肥厚性幽門狹窄。祉攸需留院觀察，期間不能進食，只能輸送營養液。

「阿B足足喺醫院瞓咗十日，醫生要監察輸入佢個胃嘅液體係咪唔落格，要幾日先確診到。」祉攸要全身麻醉，做切開幽門肌的微創手術後，已沒有嘔奶，身體亦非常健康。