政情：陳嘉容擁長腿有煩惱

修長美腿係唔少少女夢寐以求嘅嘢，不過，擁有四十五吋長腿嘅名模陳嘉容（Eunis)卻因為美腿，有啲小煩惱，事關佢買裙、買褲都有唔夠長嘅問題。早幾日，我哋就見佢去改衣舖，原來佢條白色裙唔夠長，要駁長啲。

今年夏天興長裙，最近被封為「美麗達人」嘅Eunis未到夏天已經入定貨，可惜唔夠長，呢一日佢去攞番改完嘅裙，雖然冇得即場試着，但佢都「揚兩揚」畀助手睇，神情亦好似幾滿意。佢遲啲要去北京同上海幫啲大企業做導師，指導員工衣着打扮同儀態，為咗盡善盡美，每次兩日嘅課堂佢都要預先備課，仲要帶多兩大篋衣飾，佢笑言每次都帶晒成副身家財產上去。

陳嘉容驗收改好咗嘅裙，拼埋身畀助手幫幫眼。