SUN世代：童年分隔兩地父子感情不減

虎父無犬子，Ronald與爸爸均從事律師工作，又積極參與社區事務，足見兩人關係密切。不過，原來Ronald年幼時並不是與爸爸一起生活，兩父子分隔兩地，但感情不減。

Ronald自幼與媽媽及弟弟移居澳洲，而爸爸則留港工作，雖然兩父子分隔異地，相聚時間甚短，每年見面次數「十隻手指都數得晒」，但父子之間從無隔膜：「有時爸爸會打電話嚟問吓我讀書讀成點，有時會飛過澳洲探我哋，我哋放假又會飛返香港陪爸爸。正因為細個成日分開，所以依家我會成日陪爸爸去旅行，補番童年失去咗嘅時間！」

Ronald更表示童年生活愉快，未有受到嚴格管束，自由度極大：「不論大學選科，抑或做咩職業，爸爸都冇乜意見，可能係我性格踏實，令佢好放心，所以我個童年真係幾自由！」自服務社會後，Ronald更加深了對爸爸的了解，父子倆不時商量服務社會大計：「我有時會打畀爸爸，傾吓會務，大家分析吓，好開心！」