SUN世代：熱血律師拯救迷途青少

一人有一個夢想，「熱血律師」簡汝謙（Ronald）就視服務社會為其使命。受爸爸簡松年影響，Ronald○七年開始服務社群，深入了解社區，並身兼多個公職，希望為社會出力、為年輕人發聲，做盞「青年明燈」，拯救誤入歪路的青少年，引領他們回歸正途。

年紀輕輕的Ronald擁有三個學士學位、兩個法律碩士學位，現時更於香港城巿大學修讀法學博士。雖然爸爸是律師，但Ronald攻讀法律卻出於羊群心理：「我喺澳洲讀大學係讀經濟及金融，但好多同學都鍾意讀Law，所以我都讀埋一份！」

二○○○年已獲澳洲悉尼大學法律學系取錄的他，毅然跑回香港讀法律：「我對中國法律好有興趣，睇到中港巿場發展潛力好大，所以返香港讀，之後仲去深圳嘅律師樓實習三個月，接觸到唔少內地人，學到好多技巧，睇到中港兩地需求嘅唔同！」

開格仔舖推廣中國文化

約一年前，Ronald與朋友合資開設樓上格仔舖，推廣中國文化，創業經驗令他感受甚深：「我未搞過生意，嗰次投資咗二十萬！其實我係想知搞生意有咩難處，想體驗更多！」然而，律師工作繁忙，他當了三個月老闆便被迫退出，惟當見到有人欣賞其舖頭的物品，便心滿意足，「見到啲外國人特登上嚟買嘢，有人喺對面街影我間舖頭，我真係好開心、好滿意。」

雖然當上律師並非因為爸爸，但Ronald服務社會的心，卻絕對是受爸爸影響，「我因為爸爸而認識社區，爸爸會身體力行去做服務，對我有好大程度影響！」而擔任青年商會會長更令Ronald感受尤深：「爸爸係商會嘅法律顧問，我有時會代佢出席活動，之後我仲加入埋個會！喺呢度我學咗好多嘢，對我將來嘅律師工作同社區服務有好大幫助！」

搞交流團親自統籌挑選

現時Ronald身兼十四個公職，當中大部分與青年事務有關。像剛舉行的一個上海交流團，由籌備到挑選交流學生，他全部一腳踢。對青年服務甚為重視的他，希望為地區青少年爭取更多資源。

一面要應付律師樓工作，一面又要做好公職事務，Ronald基本上沒有休息時間，他不單沒有怨言，反而甚為享受，「希望可幫助一啲想行歪路、激進嘅年輕人回歸正途！未來我都會繼續我嘅社區工作。」

簡汝謙小檔案

現　　職：律師 婚姻狀況：未婚 興　　趣：唱歌

學　　歷：英國布里斯托大學法律（商法）碩士、中文大學法律（中國商法）碩士、英國倫敦大學法律學士、城巿大學法律學士、澳洲悉尼大學經濟（金融）學士

部分公職：沙田青年商會會長、沙田區青少年活動委員會委員、沙田區議會增選委員、新界鄉議局顧問、沙田區撲滅罪行委員會委員、沙田工商業聯合會副會長、廣東省河源巿政協委員、河源巿僑界青年聯合會創會會長