政情：馬雲論盡雅虎單打巴茨
阿里巴巴母公司突然將支付寶賣咗畀大股東馬雲，畀雅虎嘈唔早啲單聲，搞到阿里同雅虎關係更加緊張。馬雲近日出席《華爾街日報》嘅科技論壇，被問到佢會唔會對雅虎有興趣時，佢話如果有人借錢畀佢，佢好願意收購雅虎。
雖然大家都知馬雲同雅虎嘅掌舵人巴茨（Carol）唔多咬弦，馬雲此言一出，雙方會否再隔空互數？但馬雲原來話鋒一轉，話扭轉一家公司嘅局面唔係易事，佢非常敬重像巴茨咁試圖扭轉公司局面嘅人，但認為雅虎思想應更開放，利用各種方法解決問題，佢仲補充話有時管理人唔應該太顧及股東嘅想法。呢句話真係一語雙關，唔知馬雲係講緊巴茨唔應該太聽雅虎股東嘅話，抑或阿里唔應該太聽雅虎（揸住阿里股份）嘅話？
馬雲