賭王何鴻燊兩位千金超雲同超儀除咗喺微博分享近況外,亦會用微博做宣傳渠道。佢哋尋日不約而同喺微博力sell自己嘅作品,平時愛打扮嘅超雲就落手落腳自製耳環,仲急不及待將製成品放上微博同朋友分享,寫上︰「新完成的耳環,漂亮嗎?」吸引粉絲留言大讚。超儀就具備生意頭腦,喺微博放上有份演出嘅作品海報,乘機喺微博上宣傳。
超雲親手整嘅耳環得到唔少粉絲留言大讚。