SUN世代：回饋社會：延續外公李惠利善心
「由細到大同公公都好close，佢教識我好多道理！」談及已離世的外公李惠利，Timothy處處流露懷念之情。「公公教我做人最緊要踏實，佢唔想我哋坐喺度一世用佢啲錢，而係靠自己一步一步去得到成功，而賺到錢亦要貢獻返社會！」身為大慈善家的外孫，Timothy亦延續外公的善心，致力參與義務工作，回饋社會。
爸爸係超級嚴父
除了外公，Timothy最尊敬的人，是父親高叔平。他表示父親管教非常嚴厲，令他獲益良多：「爸爸係個超級嚴父，所以我由細到大功課考試都OK，哈哈！而我做生意好多時都好進取，爸爸就會喺後面撳住我，教我要逐步逐步嚟，我喺佢身上真係學到好多嘢！」
Timothy（箭嘴示）與一班青年才俊共進晚膳。（受訪者提供）