SUN世代：鐘錶王子 日日搬貨8粒鐘

出身鐘錶世家的高偉國（Timothy），是家族生意的第三代傳人。雖然身為太子爺，但他拒絕任何職銜，無懼艱苦，由低做起，在工廠搬貨做足八個鐘，每月只(扌豆)八千元人工，累積經驗後肩起改革重任，為家業開拓新領域，令盈利大幅飆升，成績輝煌。但這位鐘錶王子卻笑言：「最開心唔係賺得多，而係見證住自己一手一腳、由零開始做嘅嘢有進步，努力冇白費！」

Timothy的外公李惠利於近八十年前創立鐘錶生意，代理瑞士英納格錶。與外公關係親密的他在耳濡目染下，自小已迷上手錶：「細細個已經畀錶店吸引埋去，自細就儲膠錶，好記得我會用一個個透明嘅長盒裝住五顏六色嘅膠錶，陳列喺個櫃度，成日拎出嚟欣賞！」憶起兒時最愛，Timothy不禁綻出燦爛笑容。

Timothy小學時獨自遠赴美國入讀寄宿學校，令他磨練出堅毅精神：「初初去到講英文有口音，成日畀人笑，於是不斷鍛煉，逼自己進步。嗰時得自己一個，咩都冇，事事要靠自己，訓練到自己更獨立，令我成長咗好多！」

累積經驗率領家業改革

五年多前，Timothy應父親要求協助打理家族生意，但這位太子爺卻不要任何職銜，連卡片也沒有，他選擇由低做起，在工廠學習維修及品質管理，更在貨倉當搬運工人：「啲貨大約一箱二十五磅，為咗慳時間同加強效率，我會三箱一齊搬，一日搬足八個鐘，對手好痛，八千蚊人工真係有血有汗o架！」

艱辛經歷令Timothy對公司流程瞭如指掌，累積寶貴經驗後，他率領家業進行改革，將腕錶徹底重新包裝，趨向年輕化；又將產品分為不同路線，令形象更鮮明，並加添不少創業噱頭，如買錶送皮帶等，大受顧客歡迎，盈利一年內飆升十倍！

Timothy同時亦為家業開拓新領域，發掘多個新興市場，當中最令他難忘的是到越南發展的經歷：「當時不停飛去當地，搵經銷商、廣告商、店舖逐間傾。好多品牌喺當地幾年都係一年賣幾百隻錶，但我哋就賣七千幾隻！最開心係由零開始，自己一手一腳打理，見證到進步同成果，真係好有滿足感！」Timothy矢志繼續本着拚搏信念，帶領家族生意邁向更高的成就，成為著名國際品牌！

Timothy's Profile

婚姻狀況 ： 未婚

現　　職 ： 英納格錶副總裁

學　　歷 ： 美國南加州大學經濟學士

公　　職 ： 香港表廠商會有限公司會董、香港青年聯會會董、香港菁英會會員、河南省青年聯會委員、香港青年議會副會長