政情：滙豐韓克強訓練囝囝理財
大部分專家都話應該從細個就開始學理財，而滙豐香港區零售銀行及財富管理業務部零售網絡主管韓克強都係自小訓練有素，依家做咗老竇，好嚴格咁要求囝囝學識理財之道。
話說韓克強細個時嘅零用錢係「日薪制」，父母會每日發放，但啲錢只係啱啱夠搭車同食午飯，所以要儲錢都幾困難，佢惟有日日行路返學放學，先可以逐少逐少儲一筆錢。佢仲笑言自己係嚴父，成日教自己嘅小朋友要有計劃同目標，所以囝囝細細個嘅時候，已經要佢交計劃書申請零用錢，囝囝由細接受訓練，相信理財技巧已盡得真傳。
上星期佢向二百五十個中學生傳授理財知識，好多同學聽完佢點教仔之後，即時嘩嘩聲，好似好不可思議咁。
好多同學聽完韓克強點教仔理財後，即時嘩嘩聲，好似好不可思議咁。