SUN世代：磅秤大王「廠」出名堂

「我咁大個人，只係買過三次股票。」自言「好憎睇數」的查毅超（Sunny），自幼心繫工業。四兄弟姊妹中，他排行最小，卻最早返到父母創辦的塑膠廠幫手，他半認真半開玩笑說：「因為我讀書成績最差。」事實上，Sunny長袖善舞，加入公司之初，只有大約六十名員工，如今已發展成一間擁有逾三千名職員的跨國企業，更是全球最大的磅秤生產商，舉足輕重。

選擇磅秤這個冷門行業，還須從頭說起。七五年，Sunny的父親查文宗接獲一宗廚房磅的定單，他親自設計並生產了一款機械磅，不過，之後再沒接到同類定單。直至八八年，Sunny從美國歸來，有感公司的生產線太雜，與父親商量後，決定主打家用磅生意。「八十年代有好多公司做家電生意，而且做得好好，相反家用磅只得兩、三間做。爸爸做出來嗰個磅都幾準，要做到咁都唔容易。之後我哋做咗幾隻出嚟賣，市場反應都幾好。」

棄讀碩士返港做「廠人」

有謂孻仔拉心肝，父母對其他三名子女管教十分嚴厲，唯獨對Sunny例外。「佢哋三個就算考第一，父母都管得好嚴，我就唔同，自由度都幾大。」四兄弟姊妹中，只他一人經常在工廠流連；父母與生意拍檔食飯聯誼，也只帶Sunny同行。「當時我都有啲奇怪，點解其他三個無份呢？」Sunny事後從母親口中得知，「呢個安排可能係父母刻意部署嘅試驗計劃，佢哋想試吓唔同管教方式會有咩唔同結果。」

自幼進出廠房，Sunny坦言對工業懷有濃厚興趣，也一早答應父母會回港幫手。在美國取得工商管理學士學位後，他原有意修讀碩士學位，但父母希望他早日返港，加上體諒父母工作辛苦，遂暫時放下學業，轉型做「廠人」。他笑說：「我咁大個人，只買過三次股票。每個人興趣都唔同，我比較實際，同屋企開廠絕對有關係。父母都係穩陣、踏實嘅人。」Sunny的營商方式也是穩打穩紮：「我哋從未試過收購一間同公司業務無關嘅機構。」

身兼三職捱過艱苦歲月

打理家族生意二十幾年，Sunny經歷過兩個難關。九二年，原在美國IBM工作的兄長查志超也返回家族公司，後不幸患病，○二年過身；同年，父親亦告患病過身，他強忍喪親之痛，更要一身兼三職長達兩年時間，是他經歷過最艱苦的歲月。兄長患病後，二哥查逸超也放棄他在美國西北大學牙科學院的副院長一職，回港與他一起並肩作戰。他說：「近年面對嘅另一項困難，同工作量無關，而係要部署公司嘅未來發展，我哋唔想行錯路，精神上承受好大壓力。」

Sunny's Profile

現職

福田集團控股董事總經理、

查氏電子實業（深圳）公司主席、

Terraillon S.A.S.董事局成員、

Scaime S.A.S.董事局主席、

Arpege Master K S.A.S.董事局成員

學歷

美國羅徹斯特理工學院工商理學士、

香港中文大學行政人員工商管理碩士

部分公職

重慶市政協委員、

香港應用科技研究院董事局成員、

香港綠色製造聯盟主席、

香港模具及產品科技協會理事長、

香港電器製造業協會常務副理事長、

香港機械金屬業聯合總會常務副主席、

香港中華廠商聯合會會董