「紫荊俠」派錢濟貧善行熱爆全城，大家都喺度估緊呢位女俠嘅真正身份，繼「鯊魚女」陳細潔否認係紫荊俠之後，沙田區議員龐愛蘭尋日出席一個公開活動時被問到同一個問題，佢話：「唔係我！我身材有佢咁好咩？」
對於女俠嘅行為，佢表示認同、欣賞，又話如果有機會化身女俠扶貧，佢必會重裝上陣，仲話：「我會扮個仔鍾意嘅卡通人物或者網上遊戲人物，親子形象。」佢話自己唔會行性感形象，形象以健康為大前提喎！
龐愛蘭對紫荊俠嘅派錢濟貧善行表示認同。
