SUN世代:好老闆人人愛

不少打工仔視辦公室為地獄、上司總是蠻不講理。與藝人謝霆鋒合作經營廣告後期製作公司的常務董事楊文傑以此為鑑,相信員工是公司靈魂,更主宰公司的成敗,所以從不擺款、不高壓,百分百信任兄弟手足,成為員工心目中理想老闆,營造最快樂的辦公室。他說:「公司氣氛、員工士氣最重要,令大家會一齊共渡難關,就算有人高薪挖角都唔跳槽!」

人需要有夢,更需要動力去圓夢。楊文傑小時候最愛玩音響,夢想做混音師。他十六歲考入美國音樂學校,修讀混音課程,怎料簽證失敗,無法遠赴美國。傷心卻無夢碎,其後他加入一間電影後期製作公司,繼續追夢。

九十年代初,他僅領二千元月薪,過着「有開工無收工」的日子,捱了一年半就離開,原因並非捱不住,他說:「師傅唔畀我落手做混音,教嘢只教六成,所以我走咗去電視台。我未做過電視,初初都幾吃力,有時即使導演收貨,我都會加班做多次,睇吓效果會唔會更好!」

練好基本功後,楊文傑轉投另一間廣告公司,本想大展拳腳,但發現廣告後期製作是另一回事:「廣告需要短時間嘅爆發力,我初初唔慣有十幾個客戶睇住我做,師傅見我唔掂,甚至叫我行埋一邊,我難受到當場喊!」愈受挫愈激發他向上,年半後,他對工作已駕輕就熟,同時萌生創業夢。二○○三年他與友人合夥開設製作公司,惟雙方因發展方向不同,拆夥收場。機緣巧合下,同年他認識剛開設朝霆後期製作公司的謝霆鋒,更獲力邀合作。

營造最快樂的辦公室

由於發展理念一致,楊文傑再答應做老闆。兩位年輕人合作,首要打破上司下屬隔膜,營造最快樂的辦公室,他說:「我哋重視團隊精神,返工會周圍巡吓,了解員工嘅工作。對員工,我會畀佢哋出去行吓,體驗兼吸收靈感,安排工作都盡量唔喺紅日,畀佢哋休息陪家人,因為人太攰會阻礙創意發揮。而部門主管可以為公司發展發言,令佢哋歸屬感更大。」

工作氣氛融洽之餘,楊文傑更成功為公司撥亂反正,令原本虧蝕、市場佔有率不足一成的公司,升至現時五成以上市場佔有率。公司去年更進軍內地市場,成立上海分部,成為首家規模跨越中港兩地的後期製作公司。

員工四倍薪金挖唔走

他自豪地說:「就算有新公司抄足成套運作都唔會成功,因為佢無我哋呢種員工氣氛,當有同事工作遇到問題,其他人係會跑過嚟幫手!試過有公司以四倍以上薪金,想挖走晒員工,最終得一個人走!」

問到是否圓夢?楊文傑表示他還有個目標,就是培養接班人。他慨嘆本港後期製作人才出現斷層,而新入行的畢業生「唔捱得」、「唔主動」:「新人踢一腳先行一步,我會以身作則,講明無論咩職級都會落手落腳做,只要佢哋肯學,我會教晒我識嘅嘢!有機會我仲想教書,以實際經驗培訓新人!」

楊文傑小檔案

現職:朝霆後期製作公司常務董事

婚姻狀況:已婚

興趣:混音、買紅酒、旅行

「Money18免費即秒股票報價網站」現推出8升級功能,財經資訊,實時實發!

李嘉行

楊文傑

擁有超強管理手腕,楊文傑成功營造快樂辦公室。

楊文傑相信員工是公司靈魂,更主宰公司的成敗。

楊文傑(右)毫無架子,與同事相處融洽。