Eric孫耀威同王敏德尋日喺奧海城出席「聯合國兒童基金會青年使者計劃2011」委任典禮，鼓勵新一代擔起「青年使者」任務。八月Eric可能去非洲探訪，但因撞正國語碟宣傳期，要同公司再傾，佢唔會帶女友陳美詩同行，擔心女友捱唔住，到頭嚟要照顧番佢，Eric話：「呢啲辛苦嘢等我嚟！」
事隔九年再出國語碟，Eric感激公司冇上限揼本支持，今次全部由佢創作，稍後會去台灣拍MV。係咪想似何韻詩入圍金曲獎？佢話：「冇諗咁遠，但香港歌手喺台灣受注目係好好嘅鼓舞。」
孫耀威（左）同王敏德出席「聯合國兒童基金會青年使者計劃2011」委任典禮。
