米雪同《小明上廣州》作曲家韋然尋日出席公開活動,米雪指自己成立咗一間推廣文化藝術嘅公司,間公司已經開咗一年幾,業務廣泛,詩詞歌賦都會涉獵到,至於會唔會投資拍電視、電影?米雪話:「大前提係一啲創意藝術同插畫,好似韋然作曲嘅《小明上廣州》咁,我哋遲啲都會推出一啲產品,好似小明嘅漫畫、動畫,以及一啲有關小明嘅副產品,預備喺書展推出。」
成立一間公司又要兼顧演藝事業,應該相當困身,米雪就話唔覺得,因為佢平時都已經忙慣,加上有超過一百人搞新公司,所以唔會太辛苦喎!
米雪話平時忙慣,搞新公司都唔會太辛苦。
韋然