SUN角度：迷網90後潮興friend前性行為

與九十後談「婚前性行為」，Out 了，九十後性觀念可能更加開放，時興的就是「friend前性行為」。在速食文化下，九十後可以極速結識，極速做愛，哪怕了解程度只有性別與樣貌。纏綿過後，不少人有感到後悔、迷惘，導致「性創傷」徵狀，更有少女因而懷孕，不知所措而向社工求助。暑期將至，社工團體擔心問題惡化，直指問題癥結是現行的性教育狹隘，仍局限於預防性病及男女發育等層面，認為需加強「情．性教育」，鞏固青少年的自我價值，才能糾正錯誤的性觀念。

互聯網發達，網民徵友、傾電話、行街、食飯等，早非新鮮事，近年已發展至「friend前性行為」，即雙方未成為朋友之前，已經可以有性關係，至於對方的個人資料如真實姓名、電話、年齡、職業等，可以一概不詳。

記者瀏覽網上討論區，發現很多網友留言，內容包括希望「交友」、「做朋友」、「招女伴」、「識18-23女仔」、「搵男朋友」等。記者回覆其中一名男網友，即獲邀約出來見面，表示合眼緣的話，希望有進一步發展，至於甚麼是進一步發展，男網友則語帶暗示：「想到兩個人嘅地方陪你，係張床嗰啲呢。」記者問大家互不認識，為何這樣單刀直入，男網友即說：「哈哈，唔怕嘅，最緊要我同你享受其中，呵呵。」之後男網友不斷要求見面，記者多番拒絕，他仍死纏不休。

唔樣衰唔寸嘴就得

九十後「friend前性行為」日漸普遍。「近呢幾個月，我哋接到好多十幾歲嘅年輕人查詢或求助，佢哋話同咗一啲啱啱認識但唔熟嘅人發生性行為，雖然係自願，事後又感到後悔。」明愛家庭服務認可性治療師古錦榮指該情緒反應屬於性創傷，目前有接近十人接受輔導。

其中一名求助者為九十後少女，她逛街時被一名八十後男子搭訕，「兩人愈傾愈啱KEY，再相約見面，識咗三日後，女仔就上咗對方屋企發生性關係。原因係個女仔覺得對方好好、好友善，所以就上咗床。之後，女仔想再約個男仔見面，對方只係隨口話『見到就見啦』，後來大家就冇再見過。」該少女不知對方聯絡電話、職業等資料，事後感到失落，不知所措，現接受輔導治療。另一名求助男生也是九十後，與男網友有親暱行為。「個男仔喺網上識咗個男網友，傾咗無幾耐就約出嚟見面，仲有過幾次愛撫行為，個男仔唔好意思say no，事後至覺得後悔。」最令人咋舌的是，部分九十後認為，只要對方樣子不俗，就可以上床，古錦榮說：「年輕人好多時喺呢方面冇底線，上床可以好輕易，好似覺得個男仔唔太寸嘴，個樣唔差就得。」

性教育政策太狹隘

不過，「friend前性行為」隨時令女方懷孕。「母親的抉擇」於一○至一一年度，接獲二百五十八宗未婚懷孕求助個案，當中百分之九是於網上認識，之後發生性行為並懷孕。未婚懷孕服務輔導員吳薏秋表示，其中一個案是一名十七歲少女，在網上認識一男網友，聊天幾次就相約見面，並發生性關係，最後要終止懷孕。

古錦榮認為，政府性教育政策仍限於預防性病、發育問題等，過於狹隘，建議應加強「情．性教育」，鞏固青少年的自我價值，令「佢哋懂得分辨自己需要身體嘅親密感，定係情感嘅親密感。」