政情:張天愛爸爸死過翻生
張天愛一向熱心芭蕾舞,日前更盛裝為《Galaxy國際芭蕾匯演》擔任司儀。佢透露,今趟係專程返港,為呢項活動出力,佢仲話依家已經少表演,主力培訓下一代。咁囡囡邢嘉倩有冇學芭蕾舞呢?張天愛話:「有學過!」本來佢都叫咗囡囡出席個匯演,但囡囡唔肯嚟!
張天愛爸爸張有興係前市政局主席,但係近排就身體唔多好,張天愛透露爸爸曾經係死過翻生:「半年前爸爸行行吓跌低,背脊骨斷咗,要坐輪椅,真係差啲死!嗰時佢食止痛藥食到胃穿窿,不停屙血,最終屙到暈,要送入院,輸血都輸咗幾十包,真係死過翻生,係神迹。」
張天愛同爸爸張有興感情好好,出事之後佢都多咗返港探視。 (資料圖片)
張天愛盛裝為大匯演擔任司儀。