最美麗港姐朱玲玲進軍攝影界後，成績有目共睹，尋日佢出席楊婉儀創辦嘅一個教育中心活動時，透露早前首次踏足非洲，近距離影野生動物。
朱玲玲話，依家正學習拍攝野生動物，咁大個更首次踏足非洲，近距離拍攝獅子老虎，行程親近大自然佢好鍾意，不過野獸動作太快，佢笑笑口話：「(鏡頭經常)捕捉唔到，只能影到佢嘅Pat Pat！」問到兒子啟人近日被影到拖女友出街，靚靚媽咪就話見過兒子嘅朋友，仲話：「佢好識得揀，最緊要佢哋開心！」
朱玲玲早前專程去非洲學習野外攝影。
